Беларуская мытня затрымала 20 фур з Калінінграда
13- 21.12.2014, 12:43
- 24,564
Беларускія мытнікі затрымалі 20 грузавых аўтамабіляў з Калінінградскай вобласці.
Пра гэта паведамляе агенцтва FlashNord са спасылкай на крыніцу ва ўрадзе рэгіёну.
«Дваццаць фур затрыманыя ў Беларусі. Яны везлі тэлевізары і іншую бытавую тэхніку ў Цэнтральную Расею. У мытнікаў суседняй краіны паўсталі сумневы ў паходжанні грузу. Фуры арыштаваныя на 10 дзён», - сказала крыніца.
Губернатар Калінінградскай вобласці Мікалай Цуканаў даручыў міністру прамысловасці рэгіёну Дзмітрыю Чэмакіну выехаць у Беларусь і развязаць пытанне з затрыманымі грузавікамі.
Раней прадстаўнік беларускага мінсельгаспрада заявіў, што Менск і Масква папярэдне ўзгаднілі прагнозныя балансы паставак сельгаспрадукцыі на 2015 год, якія прадугледжваюць рост беларускага экспарту ў Расею.