«Лідаграпраммаш» перавялі на «чатырохдзёнку»
4- 21.12.2014, 16:29
- 7,345
Прадпрыемства працавала чатыры дні на тыдзень увесь снежань.
Пра гэта паведаміў charter97.org адзін з супрацоўнікаў. Са зразумелых прычын, сваё прозвішча ён не назваў.
«У Лідзе ААТ «Лідаграпраммаш», якое вырабляе сельгастэхніку, увесь снежань прапрацаваў на «чатырохдзёнцы». «Чатырохдзёнка» запланаваная і на студзень. У лютым, ходзяць чуткі, што ўсе інжынерна-тэхнічныя работнікі будуць пераведзеныя на 2/3 акладу», - паведаміў ён.
На працягу апошніх месяцаў стала вядома, што многія буйныя прадпрыемствы пераходзяць на «чатырохдзёнку» ці закрываюцца да сярэдзіны студзеня. Праблемы са збытам прадукцыі паўсталі на МАЗе, «Гарызонце», «Гомсельмашы».