Дыверсійная група планавала захоп Адэскай аблдзяржадміністрацыі

План захопу сарваны Службай бяспекі Украіны.

Супрацоўнікі контрвыведкі затрымалі дыверсанта, які ў складзе дыверсійнай групы планаваў учыненне тэрарыстычных актаў для сілавога захопу адміністрацыйных будынкаў органаў улады і кіравання на тэрыторыі Адэскай вобласці. Пра гэта паведаміў дарадца кіраўніка СБУ Маркіян Лубкіўскі, пішуць "Украинские новости".

"Гаворка ідзе, на жаль, аб нашым суайчынніку - ураджэнцу Чарнігаўскай вобласці 1961 нараджэння, які ўвесь час пражываў у Ільічоўску", - адзначыў Лубкіўскі.

Паводле ягоных звестак, у падазраванага канфіскаваныя 2 ручных кулямёты MG-42, 2 аўтаматы АКМС, снайперская вінтоўка Драгунова, вінтоўка "ТОЗ 8", абрэз паляўнічай стрэльбы, 5 прылад бясшумнай стральбы, сігнальны пісталет і 5 тыс. патронаў, а таксама 6 бронекамізэлек і 7 адзінак халоднай зброі.

Таксама ў затрыманага канфіскаваная вялікая колькасць вайсковай амуніцыі і рыштунку.

Паводле факту падрыхтоўкі да ўчынення тэрарыстычнага акту следчым аддзелам упраўлення СБУ ў Адэскай вобласці зарэгістраваная крымінальная вытворчасць паводле ч. 1 арт. 14 і ч. 2 арт. 258 Крымінальнага кодэкса.

Вядзецца следства.