Жыхарка Століна нелегальна везла ў Беларусь тону гарэлкі
9- 21.12.2014, 20:05
- 11,493
Спіртное ацанілі ў суму 353 мільёны рублёў.
Кардонныя скрыні з бутэлькамі гарэлкі і каньяку выявілі супрацоўнікі ДАІ Гомельскай вобласці ў мікрааўтобусе на тэрыторыі Добрушскага раёна каля беларуска-ўкраінскай мяжы. 1,2 тысячы літраў гарэлкі ў бутэльках і 10 літраў каньяку ацэньваюцца ў 353 мільёны беларускіх рублёў, паведамляе БелТА.
Аўтамабілем "Мерседэс-Спрынтэр" кіраваў жыхар горада Століна. Спіртное перавозілася без адпаведных суправаджальных дакументаў. Уладальніца грузу, таксама жыхарка Століна, якая была пасажырам ў аўтамабілі, патлумачыла, што набыла спіртныя напоі ў Казахстане для асабістага карыстання.