Гальфіст ва ўзросце 103 гадоў устанавіў рэкорд адным ударам

Амерыканскі гальфіст-аматар Гус Андрэёне ва ўзросце 103 гадоў устанавіў рэкорд, падчас турніру ў Сарасоте, патрапіўшы ў лунку з аднаго ўдару.

Пра гэта паведамляе Fox News, піша Lenta.ru.

Гулец зрабіў так званы hole-in-one падчас праходжання 14-й лункі. Папярэдняе дасягненне належала 102-гадоваму Элсі Макліну, які дамогся падобнага ў 2007 годзе.

«Пасля маіх удараў мячы пастаянна трапляюць на грын (лужок вакол лункі). Планую гуляць у гольф, колькі змагу. Да таго часу, пакуль магу ўзяць у рукі клюшку, буду гуляць», - паведаміў Андрэёне, які гуляе ў гольф тры разы на тыдзень.

Для ветэрана гэта восьмае траплянне ў лунку з першай спробы. Упершыню гэта яму ўдалося 75 гадоў таму.