ХК «Дынама-Менск» стаў самым наведвальным клубам КХЛ
3- 22.12.2014, 14:29
- 4,804
Па сярэдняй наведвальнасці менскае «Дынама» нават апярэджвае тры клубы Нацыянальнай Хакейнай Лігі.
На матчы беларускага клуба прыходзіць 13866 заўзятараў пры сярэдняй запаўняльнасці «Менск-Арэны» 92%. Бліжэйшым з’яўляецца - СКА з Санкт-Пецярбурга - адстае амаль на 2 тысячы гледачоў. Пра гэта паведамляе афіцыйны сайт «Дынама-Менск».
«У Еўропе ў нас застаўся толькі адзін арыенцір – швейцарскі «Берн», на хатнія матчы якога ходзіць 16004 гледачы. Цікава, што па папулярнасці «Дынама-Менск» таксама апярэджвае шэраг каманд НХЛ, прынамсі, «Арызону Каёціс», «Караліну Харыкейнс» і «Фларыду Пантэрз», - гаворыцца ў паведамленні.