Мабілізацыя ва Украіне пачнецца 20 студзеня
4- 23.12.2014, 14:15
- 12,845
У войска прызавуць 50 тысяч украінцаў.
Пра гэта на брыфінгу ў аўторак распавяла прэс-сакратарка Мінабароны Вікторыя Кушнір, піша «Украінская праўда».
З яе слоў, міністр Сцяпан Палтарак патлумачыў, што новая хваля мабілізацыі будзе праводзіцца з улікам тых памылак, якія былі дапушчаныя пры папярэдніх хвалях.
«Будзе тры хвалі мабілізацыі. Пачнецца мабілізацыя з 20 студзеня. Усяго будзе прызвана блізу 50 тысяч прызыўнікоў, - заявіла Кушнір. - Да мабілізацыі будуць прыцягвацца перш за ўсё вайсковыя спецыялісты запасу. Мабілізаваныя пройдуць абавязковую падрыхтоўку на базах навучальных цэнтраў Мінабароны, а спецыялісты пройдуць перападрыхтоўку пры вышэйшых навучальных установах МАУ».
Навучанне мабілізаваных працягнецца 25 сутак, пасля чаго яны пройдуць баявое «хрышчэнне» ў складах падраздзяленняў.
Як вядома, раней сакратар РНБА Аляксандр Турчынаў паведаміў, што ў наступным годзе запланавана тры хвалі частковай мабілізацыі.
Фота: Reuters