Дзярждума вярнула рэкламу расейскага віна на ТБ

Дэпутаты Дзярждумы адразу ў другім і трэцім чытанні прынялі закон, які дазваляе рэкламу віна і шампанскага на тэлебачанні і радыё.

Гэтыя папраўкі ўсяго тры дні таму на разгляд палаты ўнёс урад Расеі. Законапраект падтрымалі 380 парламентарыяў. Тых, хто выступіў супраць, не выявілася, паведамляе РБК.

Дзярждума прыняла ў другім і трэцім чытаннях законапраект, які дазваляе рэкламаваць айчыннае віно і шампанскае на тэлебачанні і радыё. «За» прагаласавалі 380 дэпутатаў. Ніхто з прысутных на пасяджэнні не быў супраць.

Калі дакумент будзе ўхвалены Саветам Федэрацыі і падпісаны прэзідэнтам, ён увойдзе ў дзеянне з 1 студзеня 2015 года.

Гаворка ідзе пра папраўкі ў законапраект «Аб дзяржаўным рэгуляванні вытворчасці і абароту этылавага спірту, алкагольнай і спіртазмяшчальнай прадукцыі і аб абмежаванні спажывання (распіцця) алкагольнай прадукцыі». Раней у Дзярждуму яго прапанавала група дэпутатаў. Парламентарыі прынялі ў першым чытанні гэты законапраект 10 чэрвеня 2014.

Папраўкі, якія тычацца рэкламы, у Дзярждуму ўнёс урад. Тэкст змяненняў быў апублікаваны ў суботу.

Кабмін прапанаваў дазволіць рэкламаваць вінную прадукцыю, вырабленую ў Расеі з вырашчанага ў краіне вінаграду.

Паводле паправак урада, такую рэкламу можна трансляваць у тэлепраграмах і ў радыёпраграмах (за выключэннем трансляцыі ў прамым эфіры або ў запісе дзіцяча-юнацкіх спартыўных спаборніцтваў) з 23:00 да 07:00 мясцовага часу. Таксама прапануецца спрасціць умовы працы расейскіх вінаробаў за кошт памяншэння дзяржаўнага кантролю ў гэтай сферы.

У паведамленні на сайце ўрада адзначалася, што мэтай новаўвядзенняў з'яўляецца «стварэнне спрыяльных умоў для вытворчасці віна, пеністага віна (шампанскага) з вінаграду, выгадаванага на тэрыторыі Расейскай Федэрацыі». Папраўкі павінны быць унесеныя ў Федэральны закон «Аб дзяржаўным рэгуляванні вытворчасці і абароту этылавага спірту, алкагольнай і спіртазмяшчальнай прадукцыі і аб абмежаванні спажывання (распіцця) алкагольнай прадукцыі».

У паведамленні ўрада адзначалася, што мэта папраўкі - гэта «стварэнне спрыяльных умоў для вытворчасці віна, пеністага віна (шампанскага) з вінаграду, вырашчанага на тэрыторыі Расейскай Федэрацыі».

Яшчэ ў суботу станоўча аб урадавых папраўках адгукнуліся ў Саюзе вінаградараў і вінаробаў. «Мы ўжо два гады гаворым пра гэта. Ужо даўно б дазволілі. Віно ва ўсім свеце нейкім чынам супраціўляецца моцным напоям. Нам урад кажа, што мы змагаемся з алкагалізмам і павінны нешта рабіць. Па-добраму трэба як раз дазволіць рэкламу віна. Гэта будзе на карысць барацьбы за цвярозасць нацыі, як гэта парадаксальна ні гучыць», - заявіў тады РСН прэзідэнт арганізацыі Леанід Паповіч.

З 2012 года ў Расеі дзейнічае шэраг абмежаванняў на рэкламу алкаголю ў СМІ. Прынамсі, рэклама моцнага алкаголю (з утрыманнем этылавага спірту 5% і больш) забароненая на тэлебачанні і радыё, на першай і апошняй старонках друкаваных выданняў. Акрамя таго, піва нельга было рэкламаваць на тэлебачанні з 07:00 да 22:00, на радыё - з 09:00 да 24:00.

З 1 студзеня 2013 года ў краіне пачала дзейнічаць забарона на рэкламу алкаголю ў друкаваных СМІ. Самі абмежаванні былі прынятыя яшчэ ў ліпені, тут жа іх дзеянне распаўсюдзілася на рэкламу алкаголю ў інтэрнэце. Для друкаваных выданняў заканадаўцы прадугледзелі пераходны перыяд, які б дазволіў ім выканаць свае рэкламныя кантракты да канца 2012 года.