Краіны Балтыі нарошчваюць узбраенні праз агрэсію Расеі

Літва, Латвія і Эстонія асцерагаюцца новых тэрытарыяльных дамаганняў Крамля і закупляюць узбраенне.

На фоне дзеянняў Расеі ў канфлікце вакол Украіны краіны Балтыі нарошчваюць узбраенне. Літва, Латвія і Эстонія асцерагаюцца, што Расея пасля анэксіі Крыма прад'явіць новыя тэрытарыяльныя дамаганні, паведамляе Deutsche Welle са спасылкай на Spiegel Online ў аўторак, 23 снежня.

Краіны Балтыі значна павялічылі выдаткі на абарону, адзначае нямецкае выданне.

Так, Літва купіла ў Польшчы сістэму супрацьпаветранай ракетнай абароны "Гром" і абвясціла аб намеры замовіць у ЗША комплексы СТКРСы. Эстонія, у сваю чаргу, не так даўно падпісала самую буйную ў гісторыі краіны дамову на пастаўку ўзбраенняў.

Паводле яе, Талін закупіць у Нідэрландаў 50 танкаў на суму 138 млн даляраў. Латвія ж набыла ў Вялікай Брытаніі больш за 120 адзінак вайскова-транспартнай тэхнікі, а ў Нарвегіі - 800 процітанкавых кіраваных ракетных комплексаў.

Spiegel Online паказвае, што расейскі бюджэт на абарону ў 2014 годзе склаў у пераліку каля 60 мільярдаў еўра, што значна перавысіла агульны абаронны бюджэт краін Балтыі (каля 1,2 мільярда еўра).

На думку экспэртаў, пры нарошчванні ўзбраенняў балтыйскіх краін гаворка ідзе не пра супрацьстаянне вайсковай моцы Масквы, а аб затрыманні суперніка ў выпадку агрэсіі з усходу да падыходу саюзнікаў па NАТO.