Лукашэнка: Стану прэзідэнтам, нават калі ўвесь свет будзе супраць

Дыктатар сёння дэ-факта абвясціў вынікі будучых, запланаваных на лістапад 2015 года, прэзідэнцкіх «выбараў».

Аляксандр Лукашэнка заявіў, што працягне кіраваць Беларуссю, нават калі ўвесь свет будзе супраць, паведамляе РІА "Новости".

"Як сёння некаторыя палітолагі і журналісты ў РФ заяўляюць, што ў Лукашэнкі год асаблівы, 2015-ы, пройдуць прэзідэнцкія выбары, таму ёсць шанец і магчымасць яго адбудаваць. Супакойцеся, спадары, Лукашэнка не той чалавек, якога можна адбудаваць... адбудоўваць мяне можа толькі беларускі народ. Нават калі ўвесь свет выступіць сёння супраць Лукашэнкі, ён усё роўна стане прэзідэнтам, калі ён гэтага захоча", - заявіў дыктатар у Маскве, куды ён адправіўся для ўдзелу ў саміце АДКБ.

Пасяджэнне Савета калектыўнай бяспекі АДКБ праходзіць у вузкім складзе ў сталіцы РФ. У ім бяруць удзел кіраўнікі Беларусі, Арменіі, Кыргызстана, РФ, Таджыкістана і Казахстана.