Падаткавікі апячаталі кнігарню «Логвінаў» у Менску
11- 3.12.2014, 9:50
- 24,343
Пазапланавая фінансавая праверка праходзіць у папулярнай сталічным краме.
Пра гэта «Нашай Нiве» паведамілі яе супрацоўнікі.
Праверка, з іх слоў, была арганізаваная па заказу Міністэрства інфармацыі. Кнігарню падчас яе правядзення апячаталі, яна не працуе. Гэта - выключны выпадак пры правядзенні падобных працэдур.
У мінулым годзе Міністэрства інфармацыі забрала ў выдавецтва «Логвінаў» выдавецкую ліцэнзію за выпуск альбома «Прэс-фота Беларусі 2011».
Кнігарня, што месціцца каля плошчы Перамогі, была папулярным месцам сустрэч моладзі, там часта праводзіліся прэзентацыі кніг.