Дзмітрый Дашчынскі абвясціў аб завяршэнні кар'еры

Вядомы беларускі фрыстайліст Дзмітрый Дашчынскі абвясціў аб завяршэнні кар'еры спартоўца.

Са слоў прызёра двух Алімпіяд, у яго былі сумневы з нагоды выступу ў будучым сезоне, але ўсё вызначыў выпадак. Спускаючыся па лесвіцы, Дзмітрый Дашчынскі спатыкнуўся і ўпаў і зламаў палец, праз што прыйшлося прапусціць летнія зборы, піша выданне «АІФ у Беларусі».

«З упэўненасцю магу сказаць, што кар'еру спартоўца завяршаю. Яшчэ былі сумневы з нагоды выступу ў будучым сезоне, але ўсё вызначыў выпадак. Спускаўся па лесвіцы - спатыкнуўся, упаў і зламаў палец. Глупства, канешне, але месяц правёў у гіпсе, і – бывайце, летнія зборы. Затым дала пра сябе ведаць старая траўма пляча. Так што на бліжэйшым Чэмпіянаце свету, які пройдзе ў студзені, я ўжо не выступлю.

Наогул з кожным годам часу на падрыхтоўку да спаборніцтваў адыходзіць усё больш. Адчуваецца стомленасць, няма той рызыкі, як раней. На старт выходзіш як на паўсядзённае працу», - сказаў ён.

Што датычыцца далейшых планаў, то фрыстайліст плануе перайсці ў трэнеры, хоць пакуль што, з ягоных слоў, для яго «няпростая гэтая справа».