Жыхар Ашмянаў страляў з пнеўматыкі па аўто з расейскімі нумарамі
19- 3.12.2014, 11:14
- 14,207
Распачатая крымінальная справа.
Пра гэта charter97.org паведамілі ў прэс-службе УУС Гарадзенскага аблвыканкама.
Учора 24-гадовы жыхар Ашмянаў прыехаў у Смаргонскі раён з сябрам, каб выпіць пару бутэлек алкаголю.
«Спажыўшы алкаголь, хлопец адправіўся шукаць прыгоды і знайшоў іх каля адной з аўтамабільных стаянак. Выкарыстоўваючы пнеўматычны пісталет, які знаходзіўся пры ім, ён некалькі разоў стрэліў з яго ў бок «Фольксвагена Каравэла» з расейскімі нумарамі, праз што ў аўтамабілі пасыпалася задняе шкло. Такім чынам самазацвердзіўшыся, хлопец паспяшаўся схавацца. Неўзабаве вярнуўся на стаянку ўласнік аўтамабіля і, выявіўшы пашкоджанне, звярнуўся ў міліцыю. Злачынства ўдалося раскрыць «па гарачых слядах», - паведаміў першы намеснік начальніка Смаргонскага РАУС падпалкоўнік міліцыі Аляксандр Клімянкоў.
Крымінальная справа распачатая паводле артыкула «хуліганства». Затрымаўшы падазраванага і забраўшы ў яго пісталет, праваахоўнікі выключылі магчымасць яго выкарыстання хдлпцам у іншых сітуацыях.