Грамадзяніну Грузіі выставілі абвінавачанне ў захопе самалёта «Белавія»

СК завяршыў расследаванне крымінальнай справы аб захопе з мэтай згону паветранага судна авіякампаніі «Белавія».

Пра гэта паведамілі БелаПАН у цэнтральным апараце Следчага камітэта.

Інцыдэнт адбыўся 10 чэрвеня 2014 г. Самалёт авіякампаніі «Белавія» здзяйсняў рэйс па маршруце Кутаісі - Менск. Адзін з пасажыраў, знаходзячыся ў стане алкагольнага ап'янення, запатрабаваў ў экіпажа паветранага судна зрабіць пералёт у парушэнне плана палёту ў адну з еўрапейскіх краін, пагражаючы прымяненнем гвалту. Свае намеры ён выказаў у запісцы, перададзенай камандзіру экіпажа. На борце ў гэты час знаходзілася 4 чальцы экіпажа і 32 пасажыры, у тым ліку адно дзіця.

Мужчыну, які перадаў запіску, затрымалі супрацоўнікі Камітэта дзяржаўнай бяспекі на тэрыторыі нацыянальнага аэрапорта Менск. Затрыманы выявіўся грамадзянінам Грузіі 1973 года нараджэння.

Паводле крымінальнай справы праведзены комплекс судовых экспэртыз, у тым ліку комплексная псіхолага-псіхіятрычная і судова-медыцынская, паводле якой затрыманы прызнаны ў стане свядомасці, а значыць мог усведамляць фактычны характар і грамадскую небяспеку сваіх дзеянняў і кіраваць імі.

Грамадзяніну Грузіі выстаўленае абвінавачванне паводле ч. 2 арт. 311 КК (захоп з мэтай згону паветранага судна).

Мера стрымання (заключэнне пад варту), ужытая раней у дачыненні да абвінавачанага, не змянялася.

Крымінальная справа перададзеная ў пракуратуру для накіравання ў суд.