Фінскі брамнік адмовіўся выступаць за «Сібір» праз абвал рубля

Галкіпер «Сібіры» Міка Коскінен адмовіўся выступаць за новасібірскі клуб і бліжэйшым часам пакіне каманду.

Фінскі брамнік вельмі незадаволены тым, што яго заробак праз павышэнне курсу еўра да расейскага рубля істотна паменшыўся, піша «Прессбол».

Паводле інфармацыі Sportbox, Коскінен адмовіўся абараняць вароты «Сібіры» ў Рызе, і тады трэнеры выпусцілі на лёд Мікіту Бяспалава. Не хацеў гуляць ён і з «Атлантам», але пасля размовы з кіраўніцтвам клуба змяніў сваю пастанову. Раней з'явілася інфармацыя пра магчымы пераход Коскінена ў піцерскі СКА.