Чыноўнікі прымушаюць дольнікаў аплачваць ім кватэры

Чальцы ЖБК «Юг-62» плацяць за свае кватэры ў чатыры разы больш за чыноўнікаў Берасцейскага гарвыканкама.

Пра гэта charter97.org паведамілібылыя дольнікі збанкрутавалай будаўнічай кампаніі ТАА «Облік».

Як выявілася, у траўні бягучага года Берасцейскі выканкам неправамерна ўзяў на сябе прыняцце рашэнняў аб рэгістрацыі кватэр і ўстанавіў разлік кошту дабудоўкі жылых памяшканняў. Цяпер жыхары абавязаныя заплаціць суму за завяршэнне будаўніцтва дома, які быў здадзены ў эксплуатацыю год таму, у некалькі разоў больш, чым астатнія чальцы кааператыва. А гэта парушае у першую чаргу артыкул 7.22 Канстытуцыі, якая замацоўвае нормы роўнасці ўдзельнікаў грамадзянскіх адносін.

Выдаткі на завяршэнне будаўніцтва па цэнах на снежань 2013 склалі 30,5 мільярдаў рублёў пры плошчы аб'екта амаль 7.000 квадратных метраў. Такім чынам, згодна з разлікамі КУП «Брэст горУКС», выдаткі за завяршэнне будаўніцтва павінныя былі скласці крыху больш за 4 мільёны рублёў з аднаго квадрата.

«Незразумела, на якой падставе Берасцейскі гарвыканкам сваёй пастановай устанавіў іншы кошт завяршэння будаўніцтва аднаго метра квадратнага для 15 чальцоў ЖБВК «Юг-62» у памеры 8.602.059 рублёў, для 30 чальцоў - 4.573.031 рубель за 1м², для 38 чальцоў - ад 2.000.000 рублёў да 3 000 000 рублёў за 1м² (у пастанове інфармацыя аб зарэгістраваных 47 кватэрах адсутнічае). Няўжо гарвыканкам лічыць справядлівым тое, што мы павінныя плаціць толькі за дабудаванне па 8.602.059 за кв.м., а пры гэтым 3 пустыя кватэры нядаўна былі прададзеныя па кошце каля 6,5 млн. за квадратны метр з улікам кампенсацыі выдаткаў ТАА «Облік»?

Незразумела таксама, як Берасцейскі гарвыканкам як кантралюючы орган дапусціў такую сітуацыю, калі ўладальнікі 47 кватэр (у тым ліку жонка старшыні кааператыва) ужо паспелі зарэгістраваць права ўласнасці на свае кватэры па даведках старшыні кааператыва, у якіх наўмысна значна заніжаны кошт іх кватэр. Даведкі выдаваліся на падставе незаконна прынятай «методыкі размеркавання выдаткаў паміж чальцамі кааператыва», якая двойчы была скасаваная судом.

Абуральна тое, што цяпер гарвыканкам спрабуе выправіць сітуацыю з няпоўнай аплатай завяршэння будаўніцтва гэтых кватэр не шляхам спагнання з такіх «вельмі хітрых» (або недатыкальных) грамадзян недаплачаных імі сум, а за кошт павелічэння кошту кватэр для іншых грамадзян, якія яшчэ не зарэгістравалі свае кватэры. У наяўнасці лабіраванне Берасцейскім гарвыканкамам інтарэсаў пэўнай групы асоб у шкоду інтарэсам іншых грамадзян. Напрошваецца думка пра тое, што, магчыма, у такім нізкім кошце дабудоўкі некаторых з гэтых 47 кватэр зацікаўлены Палышэнакаў А.С. асабіста альбо нейкая іншая службовая асоба, якая «падштурхнула» прыняцце дадзенай пастановы.

Пры гэтым гарвыканкам не бянтэжыць той факт, што маецца пастанова Гаспадарчага суда Берасцейскай вобласці ад 28 чэрвеня 2013 года (выкананне якога абавязкова для ўсіх), якое ўступіла ў сілу і якое выразна вызначыла ўсе далейшыя ўзаемаадносіны дольнікаў з ТАА «Облік», а таксама вызначыла памер выдаткаў ТАА «Облік» на будаўніцтва 1 м² агульнай плошчы для ўсіх аднолькавы (911000 рублёў) і, у адпаведнасці з дадзенай пастановай суда, усім былым дольнікам былі перададзеныя адпаведныя «выдаткі ТАА«Облік» у будаўніцтве кватэры» і права на завяршэнне будаўніцтва сваіх кватэр, а ўсе залішне выплачаныя сумы прынятыя ТАА «Облік» як патрабаванні крэдытораў, якія падлягаюць кампенсацыі», - пішуць жыхары.

Акрамя таго, былыя дольнікі інфармуюць аб поўным ігнараванні гарвыканкамам патрабавання Пракуратуры Берасцейскай вобласці, названае ў накіраванай на імя старшыні Берасцейскага гарвыканкама «Інфармацыі аб выяўленых парушэннях праў грамадзян пры будаўніцтве дома ЖБВК «Юг 62» № 0700-16-2014 ад 24 студзеня 2014 года, а менавіта «..кошт дабудоўкі кватэр у 94 кватэрным доме па вул. Кастрычніцкай рэвалюцыі (генплан 62) у далейшым павінны вызначацца зыходзячы з адзінага для ўсіх забудоўшчыкаў кошту аднаго метра квадратнага, вызначанага на падставе праектна-каштарыснай дакументацыі».

Паводле слоў пацярпелых, неаднаразова падымаліся пытанні парушэння Берасцейскім гарвыканкамам заканадаўства, аднак усе дзеянні гарвыканкама застаюцца па гэты дзень беспакаранымі, а ў гарвыканкаме Берасця пануе беззаконне і карупцыя.

«Відавочным з'яўляецца той факт, што пасля таго як ўпраўляючым (ТДА «Дрэбезава і партнёры ») было заяўлена аб парушэнні закона - лабіяванні Берасцейскім гарвыканкамам інтарэсаў пэўнай групы асоб у шкоду інтарэсам іншых грамадзян (лісты прыкладаюцца), ён быў вельмі хутка вызвалены ад выканання абавязкаў кіраўніка паводле заявы Берасцейскага гарвыканкама з абсалютна надуманых прычын. Замест ТДА «Дрэбезава і партнёры» праз прапанову гарвыканкама, прызначаны новы кіраўнік ТАА «Антыкрызіснае кіраванне», які выконвае ўсе пажаданні Берасцейскага гарвыканкама, шматкроць парушаючы пры гэтым дзейнае заканадаўства, ведаючы пра сваю беспакаранасць. Кіраўнік нават не лічыць патрэбным адказваць на нашыя лісты», - пішуць яны.

Нагадаем, у апошні час пачасціліся выпадкі правапарушэнняў у сферы нерухомасці. Акрамя канфліктаў паміж уладамі і дольнікамі, вядома пра канфлікты паміж забудоўшчыкамі і дольнікамі, а таксама паміж дольнікамі і ашуканцамі з-за мяжы.