Беларусь забараніла вываз макулатуры

Беларусь увяла часовую забарону на вываз са сваёй тэрыторыі рэгенеруемай паперы або кардона.

Забарона працягнецца да 1 чэрвеня 2015 года. Гэта прадугледжана пастановай Савета Міністраў №1125 ад 2 снежня 2014 г, афіцыйна апублікаванай сёння на Нацыянальным прававым інтэрнэт-партале.

Забарона ўстаноўлена ў адпаведнасці з артыкулам 8 Пагаднення аб парадку ўвядзення і прымянення мер, якія закранаюць замежны гандаль таварамі, на адзінай мытнай тэрыторыі ў дачыненні да трэціх краін ад 9 чэрвеня 2009 года.

Згодна з дакументам, Міністэрству замежных спраў варта ва ўстаноўленым парадку паведаміць Еўразійскую эканамічную камісію аб увядзенні забароны і ўнесці на разгляд Еўразійскай эканамічнай камісіі прапанову аб прымяненні названай меры іншымі дзяржавамі - сябрамі Мытнага саюза.