Сцяпан Палтарак: Данецкі аэрапорт баевікам не здадуць

Абарона аэрапорта стала важнай хутчэй сімвалічна, чым з вайсковага пункту гледжання.

У аэрапорце Данецка доўжацца баі паміж баевікамі і ўкраінскімі вайскоўцамі, паведаміў міністр абароны Украіны Сцяпан Палтарак, піша zn.ua.

«У Данецкім аэрапорце ідзе супрацьстаянне паміж узброенымі злачынцамі, тэрарыстамі і Узброенымі сіламі Украіны. Становішча стабільна цяжкае», - сказаў ён журналістам у пятніцу ў Кіеве.

Аднак міністр запэўніў, што ўкраінскія вайскоўцы не пакінуць заняты аб'ект.

«На маю думку, мы не маем права аддаваць і метра нашай зямлі, таму мы будзем стаяць там, дзе мы стаім, і абараняць сваю зямлю, сваю краіну», - сказаў Палтарака.

Раней СМІ паведамілі, што з прычыны моцных абстрэлаў у ноч на пятніцу ўкраінскія вайскоўцы былі вымушаныя пакінуць будынак старога тэрмінала аэрапорта. Сярод абаронцаў аэрапорта нібыта ёсць загінулыя, шмат параненых, дакладны лік невядомы.

Прадстаўнік штаба АТА Аляксей Дмітрашкоўскі пацвердзіў, што ўкраінскія вайскоўцы ў ноч на 5 снежня пакінулі стары тэрмінал. Аднак, з ягоных слоў, раніцай частка байцоў зноў вярнулася туды.