Пуцёўкі ў беларускія санаторыі падаражэюць на 16%

Кошт пуцёвак павялічыцца ў 2015 годзе.

Пра гэта БелТА распавёў дырэктар Рэспубліканскага цэнтра па аздараўленні і санаторна-курортным лячэнні насельніцтва пры савеце міністраў Генадзь Балбатоўскі.

«Што тычыцца пуцёвак, закупленых на наступны год рэспубліканскім цэнтрам за сродкі рэспубліканскага бюджэту і дзяржаўнага сацыяльнага страхавання, то іх кошт узрасце ў межах 16% у параўнанні з 2014-м. У санаторыі для дарослых адзін ложка-дзень у стандартным двухмесным нумары будзе каштаваць Br310 тыс, для дзяцей без суправаджэння дарослых - Br263 тыс, для дзяцей-інвалідаў - Br306 тыс, для дзяцей з бацькамі - Br326 тыс, Для дзяцей з чарнобыльскіх рэгіёнаў у складзе арганізаваных груп - Br258 тыс. Хачу падкрэсліць, што ў адпаведнасці з дамовай кошт пуцёвак у 2015 годзе застанецца нязменным», - адзначыў Генадзь Балбатоўскі.

Ён таксама распавёў, што скардзяцца на беларускія санаторыі ў асноўным расейцы.

«Сярод тых, хто звяртаецца ў рэспубліканскі цэнтр са скаргамі, пераважаюць расейцы. На маю думку, часцей за ўсё нараканні ўзнікаюць, калі чалавек едзе ў санаторый з завышанымі чаканнямі. А бо не абцяжарвае сябе, каб загадзя азнаёміцца з умовамі пражывання, лячэння, харчавання, адпачынку - на сайтах, як правіла, размяшчаецца вычарпальная інфармацыя, аж да фатаграфій санвузлоў. І тады б не прыйшлося скардзіцца на тое, што ў нумары на сценах - папяровыя шпалеры, а не фарба-пабел.

Варта падкрэсліць, што ні адной скаргі на якасць аказання медыцынскіх і аздараўленчых паслуг не было. Ды і наогул абгрунтаваных скаргаў - адзінкі.

Колькасць зваротаў грамадзян у гэтым годзе знізілася на 5%, прычым такая тэндэнцыя назіраецца цягам апошніх гадоў. Практычна ў два разы зменшылася колькасць зваротаў у рэспубліканскі цэнтр на асабісты прыём. Мяркую, гэта паказчык таго, што праблем у людзей з набыццём пуцёвак і якасцю аздараўленчых паслуг становіцца менш», - распавёў Генадзь Балбатоўскі.