Украінскі журналіст «загнаў у кут» Сяргея Лаўрова

Журналіст украінскага тэлеканала 112 «загнаў у кут» міністра замежных спраў Сяргея Лаўрова падчас яго прэс-канферэнцыі.

Прынамсі, журналіст назваў блюзнерствам тое, што робіць Расейская Федэрацыя на тэрыторыі Украіны, а таксама задаў пытанне што да невыканання ўмоў Будапешцкай дамовы аб ядзерным раззбраенні, піша operkor.net.

У адказ на пытанне Сяргей Лаўроў заявіў, што ведае пра тое, што паводле дамовы Расея абавязваецца паважаць суверэнітэт Украіны. Аднак, з ягоных слоў, там няма ні слова што да «прызнання ўзброеных пераваротаў». Падчас адказу Сяргей Лаўроў пастаянна запінаўся, мабыць пытанне што да дамоўных стасункаў з РФ заспела яго знянацку.