У Беларусі ўводзіцца сямейны капітал у $10 тысяч

У Беларусі з 1 студзеня 2015 года ўводзіцца сямейны капітал у памеры 10 тысяч даляраў пры нараджэнні трэцяга або наступных дзяцей.

Адпаведную пастанову ўхваліў Аляксандр Лукашэнка.

5 снежня міністр працы і сацыяльнай абароны насельніцтва Марыяна Шчоткіна прадставіла Лукашэнку праект указу ў дзяржпадтрымцы сем'яў, якія выхоўваюць дзяцей, і стымуляванні нараджальнасці. Дакумент увойдзе ў дзеянне 1 студзеня 2015 г., адзначае БелТА.

«Мы дамовіліся, што меры будуць доўгатэрміновымі. За кожнае трэцяе і наступнае дзіця сям'і прадстаўляецца 10 тысяч даляраў. Яны змогуць скарыстацца гэтым капіталам праз 18 гадоў. Гэта ўжо будзе, мы пралічылі, 14 тысяч даляраў, а можа быць, нават 15 тысяч. Гэта грошы добрыя. Гэта даўгачасная падтрымка. Ёсць і бягучая падтрымка, кароткатэрміновая, матэрыяльная дапамога, выплаты, ільготныя крэдыты на жыллё і г.д.», - адзначыў Лукашэнка.

«Галоўнае - зыходзіць трэба з эканомікі, з магчымасцяў нашага бюджэту. Калі мы на сябе возьмем лішнія абавязацельствы і іх потым не выканаем, то мы ўсю нашу палітыку падтрымкі сем'яў, якія выхоўваюць дзяцей, а ў гэтым плане нямала зроблена, звядзём да нуля. Таму памыліцца нельга. Тое, што абяцаем, павінны абавязкова зрабіць. Празмернасцяў тут таксама быць не павінна», - заявіў ён.

Права на сямейны капітал маюць грамадзяне Беларусі пры нараджэнні альбо ўсынаўленні трэцяга і наступных дзяцей, якія нарадзіліся з 1 студзеня 2015 года да 31 снежня 2019 года. Права распараджэння сродкамі сямейнага капіталу надыдзе пасля заканчэння 18 гадоў з даты нараджэння дзіцяці.

Сродкі сямейнага капіталу сям'я зможа накіраваць на паляпшэнне жыллёвых умоў, атрыманне адукацыі, паслуг у сферы сацыяльнага абслугоўвання, аховы здароўя, фарміраванне назапашвальнай пенсіі маці. Пры гэтым сродкі могуць быць выкарыстаныя датэрмінова на атрыманне платных медыцынскіх паслуг.

Сродкі сямейнага капіталу будуць размяшчацца на дэпазітарных рахунках грамадзян у «Беларусбанку».

Таксама ў Беларусі з новага года ўводзіцца новае штомесячная дапамога сем'ям з двума і больш дзецьмі. Адпаведны ўказ будзе падпісаны сёння-заўтра.

Прадугледжваецца, што сем'ям, якія выхоўваюць непаўналетніх дзяцей, будзе прадастаўляцца штомесячная дапамога ў памеры 50% найбольшай велічыні бюджэту пражытковага мінімуму за два апошнія кварталы.

Права на дапамогу будуць мець маці або бацька (усынавiцеляў, апякун), якія выхоўваюць адначасова дзяцей ва ўзросце да трох гадоў і ад трох да 18 гадоў і якія маюць права на дапамогу па догляду за дзіцем да трох гадоў.