КНДР прыгразіла разбамбіць паўднёвакарэйскую калядную елку

Улады КНДР угледзелі элементы псіхалагічнай вайны ў намеры Паўднёвай Карэі размясціць калядную ёлку на прымежнай тэрыторыі.

Прадстаўнікі Поўначы паабяцалі выкарыстоўваць артылерыю, каб разбамбіць дрэва, паведамляе Lenta.ru са спасылкай на The Wall Street Journal.

Афіцыйныя СМІ КНДР заявілі, што елка з'яўляецца не толькі элементам рэлігійнага свята, але і інструментам эскалацыі канфлікту паміж двума краінамі.

У Сеуле плануюць, што ёлка будзе ўстаноўленая на мяжы 23 снежня.

Пра тое, што Паўднёвая Карэя плануе ўстанавіць каляднае дрэва на мяжы з КНДР, стала вядома 2 снежня.

У кастрычніку Рэспубліка Карэя была вымушаная дэмантаваць елку ў форме вежы, якая прастаяла 43 гады, таму што яна ўзмацняла напружанасць паміж Поўначчу і Поўднем. Улады КНДР разглядалі ўстаноўку елі як ваенную прапаганду. Святочная вежа, якая размяшчалася прыкладна ў трох кіламетрах ад мяжы, была бачная з некаторых гарадоў Паўночнай Карэі.

Фота: Kim Jae-Myung/AFP