Парашэнка: Абараняючы Данецкі аэрапорт, мы абараняем усю Украіну
7- 5.12.2014, 21:56
- 14,392
Пётр Парашэнка лічыць аэрапорт Данецка ключавым пунктам абароны Украіны.
Пра гэта гаворыцца ў паведамленні прэс-службы прэзідэнта, інфармуюць "Украинские новости".
"Я ўпэўнены, што там мы абараняем усю Украіну: здадзім "Данецк", вораг будзе ў Барыспалі, або ў Гастомелі, або ў Львове", - сказаў Пётр Парашэнка падчас сустрэчы з вайскоўцамі, якія абараняюць аэрапорт.
Прэзідэнт Украіны ўпэўнены, што гэтыя людзі ўвойдуць у гісторыю Украіны, і пра іх будуць пісаць у падручніках.
"Словы "кібарг","укроп" сёння сталі сімваламі нязломнасці ўкраінскага духу, таго, як украінцы ўмеюць ваяваць, прыкладам, на якім будуць фарміравацца пакаленні ўкраінскіх воінаў", - адзначыў кіраўнік дзяржавы.
Парашэнка таксама адзначыў ролю валанцёраў у забеспячэнні ўкраінскага войска і ўручыў узнагароды абаронцам Данецкага аэрапорта і валанцёрам.