Стужку з беларускім арнаментам можна атрымаць у 30 кропках Менска

Актывісты і валанцёры «Арт-сядзiбы» раздадуць сёння 5 кіламетраў стужкі з беларускім арнаментам.

Акцыя праводзіцца ў межах кампаніі «Пазнач сябе беларусам», паведамляе «Радыё Свабода», на сайце якога прыведзены спіс стацыянарных і мабільных кропак у сталіцы краіны, дзе можна атрымаць сувенір.

У рамках акцыі 6 снежня плануецца раздаць 5000 метраў стужкі з беларускім арнаментам у 30 мабільных і стацыянарных пунктах Менска. З аднаго метра можна вырабіць 2-3 стужкі.

«Стужку можна атрымаць у шэрагу стацыянарных і мабільных кропак па ўсім Менску. Атрымаўшы стужку, абавязкова запосціць свой фотаздымак з ёй у сацыяльнай сетцы з хэштэгам # беларуская стужка або дадаць у альбом акцыі «Вконтакте». Найлепшыя фатаграфіі патрапяць на сайт «Арт-сядзiба» і ў іншыя СМІ, а аўтары атрымаюць прыемныя падарункі», - гаворыцца ў паведамленні арганізатараў акцыі.