Пуцінскі міф пра Крым збянтэжыў расейскіх гісторыкаў
80- 6.12.2014, 13:24
- 146,021
Узвышэнне прэзідэнтам Уладзімірам Пуціным Крыму да статусу расейскай Святой зямлі выклікала здзіўленне і насмешкі гісторыкаў і аглядальнікаў.
Пра гэта пішуць Ілля Архіпаў і Сцяпан Краўчанка ў артыкуле ў Bloomberg (пераклад - Инопресса.ру).
"Крым для расейцаў - тое ж, што і "Храмавая гара ў Ерусаліме для тых, хто вызнае іслам або юдаізм", - заявіў Пуцін у сваім пасланні да Федэральнага сходу. Князь Уладзімір прыняў хрышчэнне ў Корсуні ў Крыме, растлумачыў прэзідэнт.
"Уладзімір быў кіеўскім, а не маскоўскім князем, і гэта, магчыма, толькі падкрэслівае права Кіева, а не Масквы на Крым», - заявіў Андрэй Зубаў, расейскі гісторык і палітолаг.
Гісторыкі спрачаюцца, ці быў Уладзімір ахрышчаны ў Васіле непадалёк ад Кіева або у Корсуні, адзначае Зубаў, звольнены з МГІМО за супастаўленне захопу Пуціным Крыму з анэксіяй Гітлерам Аўстрыі, нагадваюць аўтары артыкула.
З рэлігійнага пункту гледжання "Кіеў - значна больш важнае месца для рускіх праваслаўных паломнікаў, чым Крым", адзначыў дыякан Андрэй Кураеў.
На думку вядомага гісторыка Ігара Данілеўскага, параўнанне Пуціным Крыму з Ерусалімам - "не самы ўдалы крок" у апраўданні дзеянняў Расеі.
"Гістарычная частка прамовы была вельмі дзіўнай, - мяркуе палітолаг Глеб Паўлоўскі. - Многія расейцы будуць здзіўленыя параўнаннем расейцаў з габрэямі, а Крыму - з Ерусалімам".