ДАІ ўзмоцніць кантроль на дарогах

На выходных Дзяржаўтаінспекцыя будзе працаваць ва ўзмоцненым рэжыме ў спыненні грубых парушэнняў з боку кіроўцаў і пешаходаў.

Спецыяльнае падраздзяленне ДПС «Страла» будзе адпрацоўваць Пінскі, Лунінецкі, Столінскі, Лепельскі і Чашніцкі раёны. Пра гэта сайту charter87.org паведамілі ў МУС Беларусі.

«За мінулыя суткі на дарогах рэспублікі адбылося 310 ДТЗ з матэрыяльным уронам. Здзейснена 11 ДТЗ, у якіх 12 чалавек атрымалі раненні, - гаворыцца ў паведамленні. - Выяўленыя больш за 5000 парушэнняў ПДР. За кіраванне транспартнымі сродкамі ў стане алкагольнага ап'янення затрыманыя 45 кіроўцаў. За перавышэнне хуткасных рэжымаў руху аштрафавана 812 кіроўцаў. Выяўлены 394 кіроўцы і пасажыры, што праігнаравалі абавязковае патрабаванне аб прышпільванні рамянямі бяспекі. За парушэнне правілаў дарожнага руху да адказнасці прыцягнуты 1.023 пешаходы, з іх 463 за адсутнасць святлоатражаючых элементаў у цёмны час сутак».

Паводле прагнозаў сіноптыкаў ў выхадныя чакаецца пацяпленне, а разам з ім мокры снег, туман, на дарогах галалёдзіца.

Каб пазбегнуць цяжкіх ДТЗ, ДАІ звяртаецца да ўсіх аўтааматараў з заклікам праяўляць максімум увагі і асцярожнасці на дарогах. Такое надвор'е для аўтамабілістаў вельмі непрыемнае і небяспечнае. Асноўныя праблемы - вадкая гразь, слізкая дарога і разлезлыя абочыны.