Над Балтыйскім морам зафіксаваныя самалёты ВПС Расеі

У міжнародным паветранай прасторы над Балтыйскім морам зафіксаванае перасоўванне самалётаў ВПС Расейскай Федэрацыі.

Пра гэта паведамляе міністэрства абароны Эстоніі, піша «Украинская правда».

Авіягрупа складаецца з розных тыпаў самалётаў, у тым ліку стратэгічнага бамбавіка, і накіроўваецца ў Калінінградскую вобласць.

Раней у НАТА заявілі, што фіксуюць высокі ўзровень актыўнасці ВПС Расеі над Еўропай. Каб перахапіць расейскія знішчальнікі, былі задзейнічаныя знішчальнікі паветранай місіі НАТА з трох балтыйскіх краін-сябраў альянсу - Эстоніі, Латвіі і Літвы.

У штаб-кватэры НАТА кажуць, што палёты былі зафіксаваныя над Атлантычным акіянам, Паўночным, Балтыйскім і Чорным марамі.