Расейскі самалёт са зброяй перахоплены ў Нігерыі
55- 7.12.2014, 8:22
- 69,036
Самалёт перавозіў вялікую колькасць не задэклараванай зброі з ЦАР у Чад.
Пра гэта паведамляе BBC са спасылкай на СМІ Нігерыі.
Самалёт вылецеў са сталіцы Цэнтральнаафрыканскай рэспублікі Банга і накіроўваўся ў сталіцу Чаду Нджамену. На яго борце знаходзіліся верталёты, аўтамабілі і іншае вайсковае абсталяванне, пры гэтым увесь груз не быў належным чынам задэклараваны.
Самалёт утрымліваецца ў аэрапорце горада Кана на поўначы Нігерыі, усе чальцы экіпажа затрыманыя. Мясцовыя ўлады пачалі расследаванне.
Пасольства Расеі ў Нігерыі заяўляе, што затрыманы грузавы самалёт не з'яўляецца расейскім. «Паводле інфармацыі амбасады, затрыманы ў горадзе Кана самалёт, як мяркуецца, з вайсковым грузам на борце, не з'яўляецца расейскім», - гаворыцца ў паведамленні, размешчаным у твітэры амбасады.