Завод «Лекфарм» прадалі балгарскаму прадпрымальніку
4- 7.12.2014, 11:07
- 16,055
Беларускі прадпрымальнік Уладзімір Адамовіч прадаў завод «Лекфарм» сваім партнёрам з Rompharm Company.
Уладальнікамі Rompharm Company з'яўляюцца балгары Венелін Георгіяў і Тэнча Шыкаў. У мінулым годзе абарот іх фармацэўтычнага бізнэсу перавышаў 200 млн еўра, піша «Наша Ніва».
«Я прадаў завод кампаніі Rompharm. Яны прапанавалі добрыя грошы, і я прадаў. У іх было 40%, у мяне - 51%. Калі яны хацелі купіць нейкі дзяржаўны завод, ім адмовілі. І я ім прапанаваў сваю долю», - распавёў беларускі бізнэсовец журналістам.
Паводле звестак балгарскага рэсурсу «Капітал», у 2013 годзе аб'ём продажаў «Лекфарма» склаў $40 млн.
Уладзімір Адамовіч мае намер арганізаваць новую фармацэўтычную вытворчасць у Лагойску. Грошы ад продажу часткі долі «Лекфарма» Адамовіч збіраецца ўкласці ў развіццё сеткі аптэк «Камфарм» і ў «Цнянская экапрадукты».