Над Зямлёй пройдзе метэорны дождж

З сённяшняга вечара і да 17 снежня ў начным небе можна назіраць метэорны паток Гемініды.

Гэта адзін з асноўных патокаў у годзе, паведамляе Аstronews.ru.

Максімальная актыўнасць метэарытнага дажджу наступіць у ноч з 13 на 14 снежня. Назіральнікі пры ясным небе без светлавых забруджванняў могуць убачыць каля 30 метэораў у гадзіну.

Паток Гемініды звычайна ўключае ў сябе мноства яркіх метэораў - балідаў. Яны рухаюцца адносна павольна ў параўнанні з іншымі метэорнымі патокамі, таму за імі лёгка назіраць. Гемініды ўтвараюцца ў выніку сутыкнення маленькіх часціц, смецця ад незвычайнага калязямнога астэроіда Фаэтона, з верхнімі пластамі атмасферы Зямлі. Яго дыяметр прыкладна роўны пяці кіламетрам, а адзін абарот вакол Сонца ён здзяйсняе за 1,43 года. Цяпер ён знаходзіцца на адлегласці больш за 100 мільёнаў кіламетраў ад Зямлі.

Каб назіраць гэту з'яву, асноўныя правілы заўсёды адны і тыя ж. Неабходна месца, выдаленае як мага мацней ад светлавых забруджванняў. Трэба апрануцца цяплей і дазволіць вачам прызвычаіцца да цемры, даўшы ім дастатковы для гэтага час. Глядзець варта пад стандартным вуглом 45-90 градусаў ад радыянту.