Джоан Роўлінг рыхтуе фанатам Гары Потэра сюрпрыз на Каляды
5- 7.12.2014, 21:21
- 9,083
Джоан Роўлінг падрыхтавала для фанатаў Гары Потэра падарунак да навагодніх і калядных святаў.
Пісьменніца паведаміла, што збіраецца апублікаваць 12 новых гісторый з кніжнай серыі, прысвечанай юнаму чараўніку. Пачынаючы з 12 снежня яна штодня будзе выкладваць на сайце новую гісторыю.
Як мяркуецца, усе гісторыі будуць прысвечаны Драко Малфою.
Джоан Роўлінг ужо рабіла падобны падарунак фанатам - на Дзень усіх Святых яна апублікавала на сваім сайце новую гісторыю пра былога прафесара магічнай школы Хогвартс Далорэс Амбрыдж.
