Падаходны падатак хочуць падняць да 13%

Законапраект аб павышэнні стаўкі падаходнага падатку прадстаўлены «дэпутатам».

Пра гэта заявіў 8 снежня міністр фінансаў Уладзімір Амарын, піша БелТА.

Міністр фінансаў на пашыраным пасяджэнні пастаяннай камісіі «палаты прадстаўнікоў» па бюджэце і фінансах прадставіў дэпутатам законапраект аб унясенні змяненняў і дапаўненняў у Падатковы кодэкс. Дакумент прадугледжвае павышэнне стаўкі падаходнага падатку з 12% да 13% з напраўленнем дадаткова атрыманых сродкаў на падтрымку сем'яў, якія выхоўваюць дзяцей.