G7 абмяркоўвае вылучэнне Украіне $4 мільярдаў

Краіны-сябры «Вялікай сямёркі» абмяркоўваюць магчымасць вылучэння Украіне пакета фінансавай дапамогі аб'ёмам $4 млрд.

Пра гэта піша Wall Street Journal, спасылаючыся на звесткі некалькіх дасведчаных крыніц, паведамляе «Інтэрфакс».

Адпаведныя кансультацыі стартавалі неўзабаве пасля таго, як афіцыйны Кіеў зафіксаваў значнае пагаршэнне фінансавага становішча. Прадстаўнікі міністэрстваў фінансаў «сямёркі» абмеркавалі гэтае пытанне 4 снежня, удакладніла адна з крыніц.

Акрамя таго, важную ролю ў мабілізацыі падтрымкі адыгрывае Нямеччына, якая старшынюе ў G7 з лета гэтага года.

У той жа час яны дадалі, што абмеркаванне знаходзіцца на ранняй стадыі і ніякай канкрэтнай пастановы пакуль прынята не было. «Пакуль не ясна, як хутка падобны «пакет» можа быць арганізаваны», - адзначае выданне.

Як паведамлялася, міжнародныя рэзервы Украіны паводле стану на 1 снежня склалі $9,97 млрд, скараціўшыся за лістапад на 20,8%, або на $2,62 млрд, паказваецца ў паведамленні Нацыянальнага банка Украіны (НБУ).

Дасягнуты ўзровень міжнародных рэзерваў з'яўляецца найменшым са снежня 2004 года, калі яны складалі $9,715 млрд.

У дачыненні да структуры міжнародных рэзерваў Нацбанк удакладняе, што ў лістападзе рэзервы ў замежнай валюце зменшыліся на $2.52 млрд або на 21,8% - да $9,058 млрд, золата - на $0,085 млрд, або на 8,6%, да $0,904 млрд.

Як паведамлялася, на гэтым тыдні Украіна атрымала 500 млн еўра макрафінансавай дапамогі ад ЕЗ, аднак да канца месяца «Нафтагаз» павінен заплаціць «Газпрому» са спецрахунку ў НБУ $1,65 млрд.