З Расеі ў Данбас перакінутыя дзве зводныя тактычныя групы

На працягу апошніх сутак у Данецк прыбылі дзве зводныя ротныя тактычныя групы расейскіх войскаў і наймітаў.

Яны ўкамплектаваныя кадравымі расейскімі вайскоўцамі-кантрактнікамі, аснашчанымі штатнай тэхнікай і ўзбраеннем. Другая РТГ складаецца з наймітаў РФ, апранутых у форму баевікоў «ДНР», якія перасоўваюцца на грамадзянскім аўтатранспарце. Пра гэта са спасылкай на аператыўныя звесткі групы «Інфармацыйны супраціў» паведаміў кіраўнік украінскага Цэнтра вайскова-палітычных даследаванняў Дзмітрый Тымчук.

«Таксама ў Данецку працягваецца інтэнсіўны рамонт падбітай і пашкоджанай раней у баях вайсковай тэхнікі тэрарыстаў, арганізаваны з дапамогай спецыялістаў, якія прыбылі з Расеі. Усталяваныя як мінімум тры такія пляцоўкі на базе прамысловых прадпрыемстваў у межах горада. На іх на гэты момант рамантуецца да 15 адзінак тэхнікі.

У раёне населенага пункта Ясінаватая засяроджанае тут фармаванне расейска-тэрарыстычных войскаў падчас апошніх няўдалых нападаў пазіцый украінскіх войскаў у кірунку Аўдзееўкі, панесла страты ў жывой сіле і бронетэхніцы. Прынамсі, асноўныя страты ворага ў гэтым раёне зафіксаваныя ў выніку агнявых удараў украінскай артылерыі па зыходным рубяжам баевікоў. У плыні 2-х сутак было падбіта і знішчана да 5 танкаў тэрарыстаў. Вораг арганізаваў частковую эвакуацыю падбітай тэхнікі (да 3 танкаў) з поля бою і яе аднаўленне, выкарыстоўваючы магутнасці мясцовых машынабудаўнічых вытворчасцей», - піша Дзмітрый Тымчук.

Нягледзячы на гэтыя страты, у плыні ўчорашняга дня гэтая групоўка праціўніка двойчы спрабавала атакаваць пазіцыі ўкраінскіх войскаў у раёне Аўдзееўкі, таксама баевікамі быў абстраляны шэраг населеных пунктаў у гэтым раёне з артылерыі. Атака расейска-тэрарыстычных войскаў была спыненая і адлюстраваная як агнём артылерыі, так і вядзеннем агню ўкраінскімі падраздзяленнямі з перадавых пазіцый.

Працягваюцца баі ў раёне населенага пункта Нікішына. На гэтым кірунку сканцэнтраваныя ў асноўным т.зв. «Казацкія» фармаванні (да 300 баевікоў, якія зведзеныя ў дзве асноўныя тактычныя групы, а таксама шэраг дробных бандфармаванняў). Ударная групоўка праціўніка ўключае ў сябе пяхоту пры падтрымцы бронетэхнікі (уключаючы да 4 танкаў). Яе дзеяння падтрымлівае артылерыйская група (якая мае ў сваім складзе ствольную артылерыю і РСЗА), што «вандруе» па некалькіх загадзя абсталяваных пазіцыях на поўдзень ад н.п.Рассыпное.

«У раёне «гарлавіны» Дэбальцаўскага плацдарму працягваюцца інтэнсіўныя перастрэлкі паміж украінскай артылерыяй і артылерыйскімі падраздзяленнямі баевікоў. Прынамсі, праціўнік вядзе артылерыйскі агонь з раёна Первамайска і з раёна на паўночны ўсход ад Горлаўкі.

У раёне Горлаўкі зафіксаваны факт «накрыцця» ўкраінскай артылерыяй аднаго з агнявых падраздзяленняў артылерыі баевікоў. Знішчаныя і выведзеныя з дзеяння як мінімум 2 устаноўкі РСЗА «Ураган», 2 гаўбіцы Д-30, таксама знішчаныя 4 грузавыя аўтамабілі з боепрыпасамі. Маюцца страты і сярод артылерыстаў ворага», - піша Дзмітрый Тымчук.

На паўночны захад ад і на захад ад Горлаўкі бакі вядуць інтэнсіўную контрбатарэйную барацьбу, ужываючы ў тым ліку і РСЗА. Адзначаецца ўзмацненне артылерыйскай групы праціўніка, што дзейнічае ў складзе Горлаўскага фармавання, якое спрабуе наносіць рэгулярныя агнявыя ўдары па пазіцыях украінскіх войскаў у кірунку Дзяржынска. Пасля панесеных страт у контрбатарэйнай барацьбе з украінскай артылерыяй, гэтая артгрупа праходзіць даўкамплектаванне - зафіксаванае прыбыццё ў гэты раён 6-і гарматнай батарэі ствольнай артылерыі, укамплектаванай 152-мм гаўбіцамі «Мста-Б».