Даследаванне: У ляноце супрацоўнікаў вінаваты начальнік

Лянота супрацоўнікаў тлумачыцца не толькі генамі і якасцю навакольнага атачэння, але і ўзаемадзеяннем персаналу з начальнікам.

Пра гэта паведамляе USA Today са спасылкай на даследаванне Універсітэта штата Канзас, піша gazeta.ru.

Сцвярджаецца, што так званая праактыўнасць не проста «хаваецца» ўнутры кожнага чалавека. «Працадаўцы, што здзіўляюцца, чаму пэўныя супрацоўнікі не робяць крок уверх, павінны зірнуць на сябе ў люстэрка», - гаворыцца ў артыкуле. Эксперт у зносінах на працоўным месцы Скіп Вейсман заявіў, што для праактыўнасці патрабуюцца матывацыя і натхненне. Паводле слоў спецыяліста, менавіта гэтую ідэю кіраўнікі арганізацый павінны данесці да персаналу.

У нататцы адзначаецца, што матывацыю работнікаў можна павысіць і іншымі спосабамі, напрыклад сталамі для гульні ў настольны тэніс у офісе, раздачай шакаладу, перапынкамі на выкарыстанне смартфона і іншымі бонусамі.