Электронныя чэргі з'явяцца ў паліклініках Менска да канца 2015

Сістэму электроннай чаргі у клініка-дыягнастычную лабараторыю, працэдурны кабінет, траўмапункт плануюць устанавіць ва ўсіх паліклініках.

Адпаведныя даручэнні ўжо дадзеныя галоўным лекарам. Пра гэта паведаміў старшыня камітэта аховы здароўя Менгарвыканкама Ігар Юркевіч, піша «Менск-навіны».

Хутчэй за ўсё, у ахове здароўя сістэма электроннай чаргі будзе дзейнічаць праз аналогію з той, што ўжываецца ў банках. Электронная чаргу ў банках упарадкавала паток кліентаў. Яны перасталі канфліктаваць паміж сабой з нагоды месца ў чарзе. Магчыма, у медустановах гэта таксама дасць магчымасць пазбегнуць канфліктных сітуацый.

Інфарматызацыя менскіх лякарняў прадаўжаецца не першы год. Спачатку былі камп'ютэрызаваныя працоўныя месцы медрэгістратараў, затым - спецыялістаў, якія адказваюць за статыстычную інфармацыю. Паступова ўсе службы аб'ядналі ў лакальную сетку. У цяперашні час у большасці паліклінік лекары набіраюць рэцэпты на кампутарах, а пасля раздрукоўваюць іх. У 2015 годзе электронныя рэцэпты будуць выпісваць ва ўсіх сталічных паліклініках. Таксама ў шэрагу медустаноў на кожнага пацыента заведзеная электронная амбулаторная карта. Акрамя таго, у пацыентаў маецца магчымасць атрымання на электронную пошту вынікаў лабараторных аналізаў і заказу праз Інтэрнэт выпіскі з медыцынскай дакументацыі.