Прадпрыемствы прымусяць эканоміць газ і цяпло

Апублікаваная пастанова Саўміна N103 «Аб некаторых пытаннях спажывання электрычнай энергіі і прыроднага газу ў 2014 годзе».

Перад рэспубліканскімі органамі дзяржаўнага кіравання, дзяржаўнымі арганізацыямі, абласнымі і сталічным выканкамамі пастаўленая задача давесці да падначаленых, юрыдычных асоб і гаспадарчых таварыстваў з доляй дзяржавы ў статутным фондзе больш за 50% і гадавым спажываннем энергарэсурсаў больш за 1 тысячы т умоўнага паліва, якія адносяцца да апрацоўчай прамысловасці, заданні па зніжэнні спажывання электрычнай энергіі і прыроднага газу на вытворчыя патрэбы. Выключэнне - прыродны газ, які выкарыстоўваецца ў якасці сыравіны і на выпрацоўку электрычнай энергіі ўласнымі энергакрыніцамі, электрычная энергія і прыродны газ, якія выкарыстоўваюцца ўласнымі энергакрыніцамі для выпрацоўкі цеплавой энергіі, якая адпускаецца іншым юрыдычным асобам і насельніцтву, піша «Ежедневник».

Да арганізацый ЖКГ, маёмасць якіх знаходзіцца ў камунальнай уласнасці, а на балансе - кацельнае абсталяванне, якое працуе на прыродным газе і мясцовых відах паліва, неабходна давесці памесячныя заданні па выкарыстанні мясцовых відаў паліва з улікам максімальна магчымай загрузкі кацельнага абсталявання.

Для юрыдычных асоб, якія не забяспечылі выкананне заданняў, будуць павялічаныя тарыфы на электраэнергію і кошты на прыродны газ, спажытыя звыш аб'ёмаў, устаноўленых дадзенымі заданнямі.

У выключных выпадках юрыдычныя асобы маюць права на хадайніцтва аб непрымяненні да іх павышаючых каэфіцыентаў пры ўмове выканання мерапрыемстваў праграмы энергазберажэння на 2014 год, росту аб'ёмаў прамысловай прадукцыі (работ, паслуг), рэалізацыі інвестыцыйных і інавацыйных праектаў (у тым ліку правядзенне будаўніча-мантажных, пусканаладачных работ і работ па павышэнню якасці прадукцыі, якая вырабляецца), выканання капітальнага рамонту.

Персанальная адказнасць за забеспячэнне выканання ўстаноўленых заданняў ускладзеная на кіраўнікоў рэспубліканскіх органаў дзяржкіравання і іншых дзяржарганізацый, падначаленых беларускаму ўраду, абласнымі і сталічнаму выканкамам.