Абама і Аланд абмяркуюць крызіс ва Украіне
2- 11.02.2014, 13:06
- 3,922
Прэзідэнт Францыі Франсуа Аланд прыбыў у ЗША з дзяржаўным візітам.
Гэта першы дзяржаўны візіт французскага прэзідэнта ў Вашынгтон за апошнія амаль 18 гадоў, перадае «Укринформ».
Франсуа Аланд плануе сярод іншага абмеркаваць з Баракам Абамам сітуацыю ва Украіне.
«Прэзідэнт Францыі Франсуа Аланд пачаў у панядзелак дзяржаўны трохдзённы візіт у ЗША па запрашэнні Барака і Мішэль Абамы. Праграма візіту прадугледжвае перамовы прэзідэнтаў, сярод тэм двухбаковага абмеркавання будзе пытанне развіцця сітуацыі ва Украіне», - паведамілі ў прэс-службе Елісейскага палаца.
Раней Францыя паабяцала падтрымку Кіеву ў выпадку абрання ўладамі краіны еўрапейскага шляху развіцця.
Фота: Reuters