Мэблевы цэх згарэў у Скідзелі
10- 11.02.2014, 15:22
- 12,314
Мэблевы цэх прыватнага прадпрыемства згарэў у ноч на 11 лютага ў Скідзелі Гродзенскай вобласці.
У ноч на 11 лютага ў цэнтр аператыўнага кіравання ад відавочцы паступіла паведамленне пра пажар у цэху па вытворчасці мэблі прыватнага ўнітарнага прадпрыемства, размешчанага па вул. К. Маркса ў Скідзелі, паведамляе прэс-служба МНС.
Да месца выкліку накіраваліся пяць пажарных разлікаў. Будынак быў цалкам ахоплены агнём, дах абрынуўся ўнутр.
У выніку пажару знішчаны шыферны дах і маёмасць, якая знаходзілася ўнутры. Пашкоджаныя тарцавальны і распіловачны станкі. Пацярпелых няма.
Прычына пажару і памер шкоды ўстанаўліваюцца.