«Чалавек-павук» залез на 152-метровую вежу ў Парыжы (Відэа)
3- 28.03.2014, 11:41
- 7,636
Знакаміты французскі скалалаз Ален Рабэр, вядомы таксама, як «Чалавек-павук», учора, 27 сакавіка, скарыў чарговы хмарачос.
У гэты раз ён забраўся на Ariane Tower - 152-метровую вежу на захадзе Парыжа. За ўзыходжаннем, якое здзяйснялася без страхоўкі, назіралі сотні чалавек, піша korrespondent.net.
У паслужным спісе скалалаза больш за 70 высотак па ўсім свеце. У тым ліку Эйфелева вежа, Эмпайр-Стэйт-білдынг на Манхэтэне, а таксама самы высокі будынак планеты Бурдж Халіфа ў Дубаі. Зрэшты, у свае 52 гады Рабэр не збіраецца спыняцца на дасягнутым.
