Турысты адмяняюць туры ў Расею з-за сітуацыі ва Украіне

З-за сітуацыі ва Украіне замежныя турысты адмаўляюцца ад наведвання Пецярбурга.

Гатэлі асцерагаюцца страт у высокі сезон.

На красавік у тураператара "Балтык Трэвэл компані" адмененыя ўсе тры групы - усяго больш за 100 чалавек, распавяла "Ведомостям" гендырэктар кампаніі Людміла Кудраўцава.

Паводле яе слоў, яшчэ адна група, якая планавала прыезд у чэрвені, ужо скарацілася з 80 чалавек да 40. Гэта турысты з Германіі, Галандыі і Англіі, яны прама сказалі, што адмена звязаная з сітуацыяй ва Украіне, кажа Кудраўцава. Яны баяцца вайны і іх не пераканаць у тым, што Пецярбург ад Крыма далёка і тут усё спакойна, наракае яна.

Дзве вялікія групы - каля 80 чалавек з Канады і ЗША адмянілі тур Масква - Пецярбург - Кіеў, таксама мы прагназуем да 50% адмен па летнім туры з круізаў па Дняпру ў Адэсу, сказаў гендырэктар турфірмы "Мір" Валерый Фрыдман. Па турах у Маскву і Пецярбург адмовы пакуль адзінкавыя, адзначае ён.

Ад броні на вясну і лета ў пецярбургскім гатэлі Four Seasons Lyon Palace адмаўляюцца карпаратыўныя турысты з ЗША, у сувязі з гэтым гатэль карэктуе свой фінансавы план, кажа яго прадстаўнік Наталля Ермашова. Паводле яе слоў, у гатэлі, які адкрыўся мінулым летам, каля 40% гасцей з Расеі, 20% - з Амерыкі. Ёсць планы арыентавацца на іншыя рынкі - Кітай, Індыю, Бразілію, адзначае Ермашова. Тэндэнцыю да адмены броні пацвярджае і прадстаўнік гатэля «Карынція» Наталля Белік. Запланаваная на сакавік у «Карынціі» сустрэча шэрпаў G8 адмянілася, ёсць асцярогі, што адмовы могуць быць і ў будучыні, кажа Белік. Індустрыя гасціннасці залежная ад падзей у палітычным і эканамічным жыцці, адзначае яна.

Паводле слоў гендырэктара гасцініцы «Акцябрская» Уладзіміра Іванова, бронь на травень адмянілі некалькі груп з Еўропы. Як правіла, плячо адмовы значна карацей, бліжэй па часе да заезду, адзначае ён. Тэндэнцыя насцярожвае, відавочна, што адмены яшчэ будуць, негатыўныя інфармацыйныя патокі ў шэрагу краін могуць падштурхнуць турыстаў да адмоў, хоць з-за зніжэння курсу рубля ім стала больш выгадна прыязджаць у Расею, лічыць Іваноў.