Украінскія дэсантнікі злавілі каля Чангара чачэнскага выведніка

Дэсантнікі 79-й Нікалаеўскай аэрамабільнай брыгады Узброеных сіл Украіны дамовіліся абмяняць чачэнца на двух украінскіх афіцэраў.

Пра гэта распавялі салдаты, якія ўтрымліваюць абарону каля Чангара, перадае «Думская.net».

Па словах «блакітных берэтаў», на днях ім удалося затрымаць расейскага вайскоўца - ураджэнца Чачэнскай Рэспублікі, як мяркуецца, выведніка 18-й асобнай мотастралковай брыгады, якая была перакінутая ў Крым у самым пачатку ўварвання. Украінскія і расейскі бакі дамовіліся абмяняць палоннага на двух нашых афіцэраў, якія ўтрымліваюцца на паўвостраве.

Пра каго ідзе гаворка, невядома, аднак у Крыме да гэтага часу ўтрымліваюцца некалькі ўкраінскіх афіцэраў.