Макей ляціць у Маскву
11- 28.03.2014, 13:12
- 9,921
Чарговае пасяджэнне Савета міністраў замежных спраў СНД адбудзецца 4 красавіка ў Маскве.
Плануецца, што беларускую дэлегацыю ўзначаліць Міністр замежных спраў Уладзімір Макей, гаворыцца на сайце амбасады Беларусі ў Расеі.
Паведамляецца, што «на пасяджэнні будуць разгледжаныя каля 20 праектаў дакументаў, якія рэгламентуюць супрацоўніцтва краін Садружнасці ў розных сферах, у тым ліку ў гуманітарнай і ў сферы забеспячэння бяспекі».
Будзе таксама абмеркаваны ход рэалізацыі плана шматузроўневых кансультацый паміж МЗС у рамках Садружнасці Незалежных Дзяржаў на 2013 год, а таксама праект плана кансультацый на 2014 год.
На пасяджэнні СМЗС мяркуецца таксама разгледзець шэраг пытанняў прававога забеспячэння дзейнасці Садружнасці. Будуць вызначаныя дата і месца правядзення чарговага пасяджэння Савета.