Крымскія татары прапанавалі УПЦ праводзіць службы ў мячэцях

Праваслаўныя Крыма могуць праводзіць малітвы ў мусульманскіх мячэцях.

Гэта выклікана тым, што акупацыйныя ўлады канфіскуюць цэрквы паўвострава, якія належаць Кіеўскаму патрыярхату УПЦ. У адказ крымскія татары прапанавалі святарам Украінскай праваслаўнай царквы праводзіць свае набажэнствы ў іх мячэцях. Аб гэтай прапанове заявіў арцыбіскуп Еўстрацій Зора, перадае 5 канал.

Іерарх Кіеўскага патрыярхату Украінскай праваслаўнай царквы распавёў, што прыхаджане абавязкова скарыстаюцца гасціннасцю мусульман у выпадку ўзмацнення пагрозы з боку чыноўнікаў АРК і святароў Маскоўскага патрыярхату.