Расея верне Украіне 350 адзінак ваеннага металалому
3- 28.03.2014, 16:55
- 20,797
Украіне вернуць частку састарэлага ўзбраення і ваенную тэхніку, якія знаходзяцца ў Крыме.
Кіеву будзе перададзена каля 350 адзінак тэхнікі. Пра гэта паведамляе РІА "Новости" са спасылкай на крыніцу ў Мінабароны РФ.
"Расея зацікаўленая ў вывазе на тэрыторыю Украіны ўкраінскай бранятанкавай тэхнікі, пакінутай у Крыме. У выніку інвентарызацыі ваеннай маёмасці Рэспублікі Крым расейскі бок рыхтуе да перадачы каля 350 адзінак бранятанкавай і аўтамабільнай ваеннай тэхнікі", - паведаміла крыніца.
Паводле яе слоў, гэта яшчэ савецкая тэхніка 70-х гадоў выпуску, якая не мае перспектыў прымянення ва Узброеных сілах РФ.
"Утылізацыя тэхнікі, а тым больш яе аднаўленне або мадэрнізацыя не маюць сэнсу з-за неэфектыўнасці і дарагоўлі", - паказаза крыніца.
Раней прэзідэнт РФ Уладзімір Пуцін аддаў загад міністру абароны Сяргею Шайгу прыступіць да перадачы Украіне ўзбраенняў і ваеннай тэхнікі, дыслакаваных у Крыме і тых, якія засталіся ў ваенных падраздзяленнях, што не перайшлі на бок расейскай арміі.