Крэмль засакрэціў «чорны спіс»

Расея не будзе публікаваць імёны канкрэтных асоб, супраць якіх ўводзіць санкцыі ў адказ на санкцыйныя спісы заходніх краін.

«Імёны мы не сталі раскрываць, фігуранты «стоп-ліста» даведаюцца аб тым, што яны ў расейскім «чорным спісе», калі будуць перасякаць расейскую мяжу», - паведаміла РІА Новости высокапастаўленая крыніца ў Маскве.

МЗС РФ паведаміла ў пятніцу, што Масква прыняла меры ў адказ на пашырэнне санкцыйных спісаў з боку ЗША, ЕЗ і Канады. Падрабязнасці зробленых крокаў не раскрываюцца. У паведамленні МЗС толькі адзначалася, што прынятыя меры шмат у чым люстраныя.