Затрыманы самаабвешчаны «губернатар» Данбаса?

Лідар данецкіх сепаратыстаў Павел Губараў затрыманы.

Пра гэта паведамляе крыніца мясцовага выдання «Новости Донбасса» у праваахоўных органах. Уначы міліцыя затрымала 70 сепаратыстаў у Данецку, якія знаходзіліся ў яе памяшканні абласной адміністрацыі. Яны праніклі туды яшчэ ўчора ўвечары. Будынкі адміністрацыі і Дзяржаўнага казначэйства вызваленыя ад сепаратыстаў, над імі ўзнятыя дзяржаўныя сцягі Украіны.

Праваахоўныя органы ўмацоўваюць будынак абласной адміністрацыі спецтэхнікай, камунальныя службы прыбіраюць тэрыторыю.

Нагадаем, 5 сакавіка па прызыву Паўла Губарава яго прыхільнікі зноў занялі будынак Данецкай аблрады.