Расейскаму ваеннаму хору забаранілі выступаць у Польшчы з савецкай сімволікай

Улады Кракава дамагаюцца адмены канцэрту хору Пуставалава.

Дэпутаты Малапольскага сходу (сейміка) выступілі супраць выступлення хору былой савецкай арміі Аляксандра Пуставалава, якое павінна адбыцца ў нядзелю ў Кракаўскай філармоніі. Калі канцэрт не будзе адменены, то як мінімум павінен прайсці без выкарыстання савецкай сімволікі. Дэпутаты сейміка заявілі, што гэта не пратэст супраць расейскай культуры, а жэст супраць акупацыі Крыма Расеяй. Арганізатары мерапрыемства запэўніваюць, што калектыў выступіць у сцэнічных касцюмах без правакацыйных эмблем, перадае PAP (пераклад - charter97.org).

Так ужо было ў Познані. Выступленне хору адбылося, але ўсе савецкія элементы з касцюмаў былі знятыя.