У Івана-Франкоўску Сталіна, Пуціна і Кісялёва «пасадзілі» ў клетку

Студэнты паставілі помнік расейскім агрэсарам.

На Прыкарпацці мясцовыя студэнты ўсталявалі помнік расейскім агрэсарам, паведамляе ТСН.Ранок. У Івана-Франкоўску з'явілася клетка з пудзіламі трох зняволеных - савецкага дыктатара Іосіфа Сталіна, прэзідэнта Расеі Уладзіміра Пуціна і расейскага журналіста Дзмітрыя Кісялёва.

Усталявалі пастамент на шынах. Ініцыятары "зняволення" троіцы - мясцовыя студэнты. Яны зладзілі акцыю пратэсту супраць расейскай агрэсіі і акупацыі Крыма і заявілі, што такія шыны могуць загарэцца і на Краснай плошчы ў Маскве.