NATO спыніла супрацоўніцтва з Расеяй
6- 1.04.2014, 19:45
- 15,098
Альянс спыняе практычнае вайсковае і грамадзянская супрацоўніцтва з Масквой.
Пра гэта гаворыцца ў заяве альянсу аб выніках пасяджэння Паўночна-Атлантычнай Рады на ўзроўні міністраў замежных спраў 1 красавіка ў Брусэлі.
У той жа час, арганізацыя мае намер працягваць палітычны дыялог на ўзроўні Рады Расеі-NATO, як неабходнасць.
«Мы прынялі пастанову прыпыніць практычна усё: грамадзянскае і вайсковае супрацоўніцтва паміж NATO і Расеяй. Наш палітычны дыялог у Радзе Расея-NATO будзе працягвацца, як неабходнасць, на ўзроўні амбасадараў і ніжэй, што дазволіць нам абменьвацца пунктамі гледжання, перш за ўсё, у дачыненні да крызісу. Мы перагледзім стасункі Расея-NATO на нашым наступным пасяджэнні ў чэрвені», - сказана ў заяве.
Нагадаем, сёння ў Бруселі праходзіць пасяджэнне NATO на ўзроўні міністраў замежных спраў.
Пасля гэтага адбудзецца пасяджэнне камісіі Украіна-NATO.